23 February 2024, Agartala : tini Agartalago kaisa kokthum pana songchagwi saklaikha phainai 25 Feb. salmarigo ‘Tiprasa Film Industry & ...
Film industry bai krwngjak Tiprasa artistrokni thaincha aro hamkraini bagoi samwng tangnani ongkha i katal bodol khamani poila naikhomwng. Hastego bisi noichibani slaibo kabangma jora rwngoi janije pharitwi, Entertaintment bai krwngoi samwng khailai phaika, mator bokno thaincha khlai chabwi tisajakmani krwikho!
Chwng jora-jorago ibobo nugo chini hukumuno lagwi samwng tangnairok bwibai hanang-pinang khlaijakmani, saknangya khlaijakmanirok. Mator thainchani kaisa bodol khajak krwi ongmani bai chwng ibono krak khlai khorang tisagwi manya.
Aini bagoi Chini hukumuno krak khlai rwngoi larwknani, chini hukumuno lagwi kebo hamya-chaiya khlai tongkhai ibono lagwi khorang tisagwi bachanani, tabokni katal katal, gam gam, krwng krwng artistrokno thinango tma sep rogoi man ibobo uansoknani bagoino i katal bodol khanani uansokjakkha.
Ibo simingya, hastebo artistno lagwi krakkhlai bodol khajak krwini bagoi phatar hasteni artistrok bai gamkhlai krwngoi maya ongoi tongwk.
Taboksak jora khorok brwichi adong o bodol bai krwngjak tongwk bisisa jora rwngwi. Baskangni 25 Feb. officially chengoi rojaknai kaisa panani bisingtwi.
I kokthum panago i koktmano sagwi khnarokha hasteni film industry bai krwngjak bodolni twiphang Sarat Reang, bodolni twiphang yakchu Sharmili Debbarma, bodolni tangphang Manjit Debbarma, bodolni Fashion co-ordinator Dr. Juhili Debbarma song.
No comments