NAYA PUSTAK MAHALNI KANGCHICHUKU KATAL BIJAP KAREJAKKHA

24 February 2024, Agartala: bijap ter sopaikhlaino bijap karenairok, suinairok katal katal bijap karelaiywk. Aini bagoi takhlai Agartala bij...

24 February 2024, Agartala: bijap ter sopaikhlaino bijap karenairok, suinairok katal katal bijap karelaiywk. Aini bagoi takhlai Agartala bijap ter rwgwi Naya Pustak Mahalbo kabangma suikrwng bai suijak kangchichuku bijap karenani yapri seka. 

Thangnai 20 February salmarigo Agartalani Press Clubgo songchajak Naya Pustak Mahalni i katal bijap karema panago panani chengsaphang aro naruaiokra ongoi majakphaika Lok Sabha, Salka Tripura achokthaini MP machang Rebati Tripura.

Syandan Patrika koktma balaini kokmithingnai Subal Dey, Ramthakur Collegeni Principal Dr. Chitra Pal, Arabinda Collegeni Principal Dr. Dipankar Chakraborty, Asst. Professor Dr. Sandeep Deb song i panago naruai ongoi phai majakkha. 

Habayakajak Prof. Dr. Narayan Bhattacharya bo i panani achokphang ongoi achokkha.

Kangchichuku katal bijap karejakmani bisingo Tripura kok bai suijak aro Tripura dophani sinimwng, laibuma, kok, hukumu mukumuno lagwi suijak kangbrwi bijap tongwk. 

Iboni bisingo tongwk-- Dharinjoy Tripura bai suijak poila Tripura kokni kokrabam  'Tripura-English Dictionary' aro Tripura dophani kok, hukumu-mukumu, sinimwng, laibumano lagwi suijak  'Tripura Jatir Bhasha o Songskritir Ruprekha' karejakkha. 

Bini badebo suikrwng aro koklopnai Tayel Tripura bai suijak 'Sal Hapkhalai Thango Raima Toiyo' bwmwngoi Tripura kokbai koklop bijap, suikrwng Burba Mohan Tripura bai suijak 'Chochoini Karakok Bothop' bwmwngoi Tripura koklop, kokduma bijap karejakkha.

Bini badebo i panago aro kangchibrwi Bangla kokrabai bijap aro kangsa English kokrabai bijap karejakkha.