Hastepha Indra Sena Reddy Nallu bai Malaikha Tripura Dophani Okra-Chakrarok

21 February 2024, Agartala:  Tripura dophani Naran machang Birendra Tripurani twidulmwng bai khorokdok adongni kaisa bodol tini Tripura hast...

21 February 2024, Agartala: Tripura dophani Naran machang Birendra Tripurani twidulmwng bai khorokdok adongni kaisa bodol tini Tripura hasteni boromgnang hastepha machang Indra Sena Reddy Nallu bai Raj Bhawango thangoi malailaikha.

Boromgnang hastepha bai i malaimwngo Naran Pomang Roaja Council bai karejak katal calendar aro Dharinjoy Tripura bai suijak poila 'Tripura-English Dictionary' bijapno yaphargwi rojakkha.

Risa rogoi hastephano borom yapharka Tripura Brwi Buthu, Central Committeeni twiphang Rani Tripura

Hastephano 'Tripura-English Dictionary' bijap yapharka suikrwng aro Tripura Writers' Forumni twiphang Dharinjoy Tripura

Phainai 11-12 April 2024, South Tripura hangkorni Manu Bankul HS Schoolni nokhlago Tripura Chubalai Buthu bai songchajaknai '22nd State Level Buisu Ter-2024' daiyo terni chengsaphang aro naruaiokra ongoi majaknani bagoi boromgnang hastephano haido khlai ringjakkha.

Hastephano katal calendar yaphargwi rokha Tripura Chubalai Buthu, Central Committeeni twiphang Sachindra Tripura

I malaimwngo Tripura dophani Naran machang Birendra Tripurani logego thangoi majakkha Tripura Chubalai Buthu, Central Committeeni twiphang Sachindra Tripura, Tripura Brwi Buthu, Central Committeeni twiphang Rani Tripura, Tripura Writers' Forum, Central Committeeni twiphang Dharinjoy Tripura, Tripura Chubalai Buthu, Central Committeeni Legal Secretary aro 22nd Haste Berem Buisu Terni Convener Adv. Hirendra Tripura aro Tripura Chubalai Buthu, Santir Bazar Divisional Committeeni tangphang Purna Chandra Tripura.