22 February 2024, Agartala: phainai 23 Februaryni Bangladeshni Dhakani International Convention Centre Basundhara daiyo songchajakni thangoi...
22 February 2024, Agartala: phainai 23 Februaryni Bangladeshni Dhakani International Convention Centre Basundhara daiyo songchajakni thangoi tongwk AHOLA Bangladesh National Level Competition. I bataimwngo Bangladesh hagarani 2700ni slai kabang batainairok thangoi majaknai. Iboni bisingo Bharat hagarani ongoi Tripura hasteni khorokchi batainairok cherairok thangoi majaknai. Aini bagoi miya Agartala Krishnanagarni TRTCni siming lam rolaikha. Bharatni ongoi i bataimwngo Tripura hasteni khorokchi batainairok ongkha Lucianna Tripura, Rana Bijoy Paul, Shreyan Deb, Taseen Alam Choudhary, Ratnesh Roy, Akshita Muhuri, Nonda Chakma, Yash Majumder, Annush Majumder aro Disha Majumder.
Satai klaiywk, Lucianna Tripura thangnai 30 July 2023, Malaysiani Kuala Lumpurgo songchajak ALOHA Haiyong Batailaimwngo Bharat hagarani ongoi thangoi bataiyoi ‘Grand Champion’ ongjak.
Bo South Tripura Districtni Sabroom bwkhakni Maira amchaini Senchandra Parago bini nok. Bo tabok Sabroomni Sinduk Pathar amchaini St. Francis De Sales High Schoolgo rwng remnoigo poreywi tongwk.
Bharatni ongoi bataini thangnairok gamkrwngni bisingtwi miya horogo Dhakago kasokkha hinoi koktma. Khna bokni bataimwng ongnai.
Ijang Bharatni ongoi bataini thangnai khorokchi srwngnairokno TRTC haganogo phaiywi khagam yapharphaika TRTCni kasku Balai Goswami aro Aloha North East Indiani Managing Director Ranbir Roy song.
No comments